Сұлулыққа лайық сұлулық

Бір кәсіпкер алыс сапарға аттанғалы жатыр екен. Наздана қараған әйелі оған былай дейді:

- Жаным, сен қаншама жылда   бір де бір рет менің сұлулығыма лайықты сыйлық жасаған жоқсың. Тым болмағанда осы жолы әкелсеңші,-деп қиылыпты.

Оған ренжіген жұбайы:

- Жаным-ау, өмірімді сені асырау үшін еңбекпен өткеріп келемін. Деп алмастан жұмыс істеп, барлық жағдайды жасасам да, жақпадым ғой. Жарайды, әкелейін,-деп кетіпті.

Сол кеткеннен мол кеткен ері, екі жылдан кейін ғана үйіне оралыпты дейді. Келген соң әйеліне:

- Мінеки, сенің көркіңе лайықты сыйды әкелдім,- деп қорапша ұсынады. Қуанып кеткен әйелі ашып жіберсе, ішінде айна жатыр екен…

Өскеменде өңіраралық ынтымақтастық форумы өтті

Өскеменде ел есінде қалатын елеулі шара өтті.

6-7 қыркүйекте Өскеменде  ІІҮ  Қазақстан және Ресейдің өңіраралық фнтфмақтастық форумы өтті. Оған Қазақстан Республикасының президенті Н.Назарбаев пен Ресей Федерациясының президенті Дмитрий Медведев қатысты. Қаламызда қос президенттің қатысуымен өт кен мәнді шара облыс тұрғындарының есінде ұзақ сақталары сөзсіз.

Форум Д.Серікбаев атындағы ШҚМУ-де өткізілген болатын. Аталмыш мәнді шараға орай оқу орны мен «Алтай» технопаркіне жаз бойы жөндеу жұмыстары жүргізілгені көпшіліктің есінде шығар. Атқарылған еңбек далаға кеткен жоқ. Елеулі шара қарсаңында қала құлпырып, әсем фонтандарымен, жайнаған гүлзарларымен, таза көшелерімен көз ғана емес, көңіл де қуантты.

Форумның бірінші күнінде тұрғынүй-коммуналдық шаруашылығындағы (ТКШ) инновациялық технологиялар көрмесі мен энергия және ресурс сақтайтын технологиялар тақырыбындағы конференция жүргізілді. Шаралардың басты мақсаты – Қазақстан мен Ресейдің тұрғынүй-коммуналдық шаруашылығы саласындағы жаңа  және алдыңғы қатарлы технологияларды көрсету болатын.

Форумның екінші күні екі елдің президенттерінің қатысуымен пленарлық отырыстан басталды. Отырыстың кешеуілдеп барып басталғанына қарамастан, жұрт елбасыларын тағатсыздана күтті. Д.Серікбаев атындағы ШҚМУ-дің орталық қақпасынан кіріп, көрме залына бет алған президенттерді қатысушылар қуанышпен қарсы алды. Ақ жейде киіп, қошемет көрсеткен қауымға жылы жымия қараған президенттер жолай студенттері қолтаңба қалдырып, қол бұлғап, өтті.

Пленарлық отырыстан соңынан Қазақстан және Ресей арасында көптеген салалар бойынша ынтымақтастық жөніндегі келісімдерге қол қойылды.

Қос елдің президенттері қатар келген мұндай шара күнде, тіпті жылда бола бермейтін жағдай. Бұл облыс орталығының болашағы зор екендігінен хабар береді. Елбасы айтқандай, форумды өткізуге Өскемен тектен-текке таңдалып алынған жоқ. Өскеменнің болашағы зор. Өндірістік кешен даму үстінде. Жыл өткен сайын кәсіпорындарда озық технологияларды пайдалану экологиялық жағдайдың жақсара түсуіне ықпал етпек. Қала форумға дайындықтың арқасында көріктеніп қалды. Жер-жерде ашылған жаңа фонтандар жастардың кешкісін қыдыратын сүйікті орындарына айналды. Мұның бәрі игілік екені даусыз. Тек соны көре білу керек.  Себебі, форум өтті, бітті, бірақ қаланы көріктендіру үшін атқарылған жақсы шаралар мен алдағы уақытта осы өңірде жүзеге асырылатын келісімдер нақ біздің жағдайымызды жақсартуға әсерін тигізбек.

Соңғы сапарына аттандырдық

Бүгін ШҚО ішкі саясат басқармасының бастығы болған Бақтиярова Альмира Кеңесқызын соңғы сапарына шығарып салдық. Тағдырдың жазуы солай шығар, нағыз кемеліне келіп, қайраты мен тәжірибесін ел иглігіне бағыттап отырған жан мезгілсіз қаза тапты. Ол кісі әркіммен тіл табыса білген, үлкен-кішіге бірдей сыйлы бола білген жан еді.  Тікелей басшымыз болса да, бұйыра сөйлемей, ақылдасып, пікірімізбен санасып отырушы еді.

Әлі сене алмай отырмын.

Топырағы торқа, жаны жәннатта болсын!

Патриоттар форумына да барып қайттық

Павлодар қаласында өткен патриоттар форумына қатысып келдік.  Шығыс Қазақстан облысынан 15 адам барғанбыз. Делегаттар еліміздің әр түкпірінен келіпті. Екінші маусымда Павлодарға барып, “Сарыарқа” қонақ үйіне жайғастық. Ертістің тура жанында орналасқан қонақ үйде су қат екен. Жұрттың көбі ыстық судың жоқтығынан зардап шексе, тоғызыншы қабатта орналасқан біздің нөмірде суық судың өзі сыздықтап, әрең ағып тұрды. Ертеңінде Екібастұзға, одан әрі Жасыбай демалыс орнына бардық. Сөйтіп форумның бірінші күнгі өтті. Келесі күні ол жақтан оралып, акцияға қатыстық. Шулап-шулап қайттық. Ұйымдастырушылардан кешірім өтінемін, бірақ не мақсатпен барып-қайтқанымды түсініңкіремей қалдым.

Мереке күнгі ой

Бүгін Балаларды қорғау күні.  Алаңда мерекелік шара өтіп жатыр.  Бір өкініштісі сол, ел мерекелеп жатқанда өзім жұмыста, қызым  балабақшада. Жұрт сияқты қолұстасып көшеде қыдырып жүре алмағанымыз өзекті өртейді. Жалпы, жұмыстағы жандар баласына көп көңіл бөле алмайтын, үйде жұмыссыз отырғандар баласының керек-жарағын әпере алмайтын заманда өмір сүреміз ғой. Кеше құрбыммен кездесіп едім, жасқа толмаған баласын қалдырып,  ауылдағы әжелеріне жіберіп, жұмысқа шыққалы отыр. Жылайды. Мен оны түсінемін. Өзім де сөйткенмін. қайтесің, әйтпесе жалғыз жалақыға отбасын сырау қиын-ақ.  Босанған, аяғы ауыр және жас балалы аналарға қолдау керек-ақ!

p.s. Қызым: “Мама, бүгін мерекем, не сыйлайсың?” деп еді, тым  болмағанда жұмыстан жарты сағат бұрын қашып шығып, сыйлық алу керек-ау.

Ертең Павлодарға жол тартамыз

Павлодарда Патриоттар форумы болады екен. Бұйыртса, Өскеменнен бір топ делегат соған аттанамыз. 3-күнге созылады. Не болғанын сосын айтамын ғой.

Тренингтің тым қызық болғаны да қиын екен

Тренингтың қызық өтіп жатқандығы соншалық, бас алмастан, жаңа білімді бойымызға сіңірудеміз. Енді Өскеменге оралғанда “Мама, маған не әкелдің?” дегенде не бетімді айтамын?

Менің көңіл-күйім

Мен жаңа қазақ блоггерімін

Әйтеуір, мен де өзімнің блогымды аштым-ау! Ойласам, күні кеше өзімнің осындай мүмкіндіктерімнің бар екенін білмеппін! Бұл арман болатын! Енді өскемендік жастарға бар білгенімді үйретуге тырысамын. “Мінберге” мың да бір алғыс!

Hello world!

Welcome to WordPress.com. This is your first post. Edit or delete it and start blogging!